قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بۇيرىعى  №321

2015 جىلعى 26 ناۋرىز, استانا قالاسى اۆياتسيالىق قاۋىپسىزدىك قىزمەتى تۋرالى ۇلگىلىك ەرەجەنى بەكىتۋ تۋرالى «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكا­سىنىڭ 2010 جىلعى 15 شىلدەدەگى زاڭىنىڭ 14-بابى 1-تارماعىنىڭ 41-51) تارماقشاسىنا سايكەس بۇيىرامىن: 1. قوسا بەرىلىپ وتىرعان اۆياتسيالىق قاۋىپسىزدىك قىزمەتى تۋرالى ۇلگىلىك ەرەجە بەكىتىلسىن. 2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ازاماتتىق اۆياتسيا كوميتەتى (ب.ك.سەيداحمەتوۆ): 1) وسى بۇيرىقتىڭ زاڭنامادا بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن, كۇنتىزبەلىك ون كۇن ىشىندە ونىڭ كوشىرمەلەرىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا جىبەرۋدى; 3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە قازاقستان رەسپۋبليكاسى مەملەكەتتىك ورگاندارىنىڭ ينترانەت-پورتالىندا ورنالاستىرۋدى; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ينۆەستيتسيالار جانە دامۋ مينيسترلىگىنىڭ جەتەكشىلىك ەتەتىن ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترىنىڭ مىندەتىن اتقارۋشى ج.قاسىمبەك «كەلىسىلدى» قازاقستان رەسپۋبليكاسىنىڭ قارجى ءمينيسترى ___________ ب.ت.سۇلتانوۆ 2015 جىلعى 11 ماۋسىم «كەلىسىلدى» قازاقستان رەسپۋبليكاسىنىڭ مەملەكەتتىك كۇزەت قىزمەتىنىڭ باستىعى ___________ ا.ج.كۇرەڭبەكوۆ 2015 جىلعى 20 مامىر «كەلىسىلدى» قازاقستان رەسپۋبليكاسىنىڭ ۇلتتىق قاۋىپسىزدىك كوميتەتىنىڭ توراعاسى ___________ ن.ءا.ابىقاەۆ 2015 جىلعى 11 مامىر «كەلىسىلدى» قازاقستان رەسپۋبليكاسىنىڭ ىشكى ىستەر ءمينيسترى ___________ ق.ن.قاسىموۆ 2015 جىلعى 30 ءساۋىر قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ 2015 جىلعى 26 ناۋرىزداعى №321 بۇيرىعىمەن بەكىتىلگەن اۆياتسيالىق قاۋىپسىزدىك قىزمەتى تۋرالى ۇلگى ەرەجە 1. جالپى ەرەجەلەر 1. وسى اۆياتسيالىق قاۋىپسىزدىك قىزمەتى تۋرالى ۇلگى ەرەجە (بۇدان ءارى – ەرەجە) «قازاقستان رەسپۋبليكاسىنىڭ اۋە كەڭىس­تىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسىنىڭ 2010 جىلعى 15 شىلدەدەگى زاڭىنا (بۇدان ءارى – زاڭ) سايكەس ازىرلەندى, اۆياتسيالىق قاۋىپسىزدىك قىزمەتىنىڭ مىندەتتەرىن, فۋنكتسيالارىن, وكىلەتتىكتەرىن انىقتايدى. 2. اۆياتسيالىق قاۋىپسىزدىك قىزمەتى (بۇدان ءارى – اقق) اۋەجايلارداعى جانە تۇراقتى اۋە تاسىمالىن ورىندايتىن اۆياكومپانيالارداعى دەربەس قۇرىلىمدىق بولىمشە بولىپ تابىلادى. 3. اۋەجايدىڭ جانە اۆياكومپانيانىڭ اۆياتسيالىق قاۋىپسىزدىك قىزمەتىنىڭ قۇرىلىمدىق سحەماسىنىڭ ۇلگىسى وسى ەرەجەنىڭ 1 جانە 2 قوسىمشالارىنا سايكەس جاسالادى جانە ۇيىنىن باسشىسىمەن بەكىتىلەدى. 4. اقق مىندەتى اۆياتسيا قىزمەتىنە زاڭسىز ارالاسۋ اكتىلەرىنىڭ الدىن الۋمەن جانە ولاردى بولدىرماۋمەن قامتاماسىز ەتىلەتىن اۆياتسيانىڭ قاۋىپسىز قىزمەتىن قامتاماسىز ەتۋ بولىپ تابىلادى. 5. اقق ءوزىنىڭ قىزمەتىندە قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى سالاسىنداعى زاڭدارى مەن زاڭناماسىن, حالىقارالىق ازاماتتىق اۆياتسيا تۋرالى كونۆەنتسيانى جانە وسى ەرەجەنى (چيكاگو, 1944 ج.) باسشىلىققا الادى. 6. اقق جۇمىسى ازاماتتىق اۆياتسيا سالاسىنداعى ۋاكىلەتتى ورگانمەن (بۇدان ءارى – ۋاكىلەتتى ورگان), قازاقستان رەسپۋبليكاسىنىڭ ۇلتتىق قاۋىپسىزدىك ورگاندارىمەن, قۇقىق قورعاۋ جانە وزگە دە مەملەكەتتىك ورگاندارىمەن ولاردىڭ قۇزىرەتىنە سايكەس ءوزارا ءىس-قيمىل جاساي وتىرىپ جۇزەگە اسىرىلادى. 7. اقق تۋرالى ەرەجە وسى ەرەجەنىڭ نەگىزىندە ازىرلەنەدى جانە ونى اۋەجاي جانە تۇراقتى اۋە تاسىمالىن ورىندايتىن اۆياكومپانيا باسشىسى بەكىتەدى. 2. اۆياتسيالىق قاۋىپسىزدىك قىزمەتىنىڭ فۋنكتسيالارى 8. ااق فۋنكتسيالارى ولاردىڭ اۋەجايعا نەمەسە تۇراقتى اۋە تاسىمالىن ورىندايتىن اۆياكومپانياعا تيىستىلىگىنە بايلانىستى بەلگىلەنەدى. 9. اۋەجاي اقق مىناداي فۋنكتسيالاردى جۇزەگە اسىرادى: 1) ازاماتتىق اۆياتسيا ۇيىمى قىزمەتىن ۇيلەستىرەدى جانە اۆياتسيالىق قاۋىپسىزدىكتى قامتاماسىز ەتۋ ماسەلەلەرى بويىنشا اۋەجايداعى مەملەكەتتىك ورگاندارمەن ءوزارا ءىس-قيمىل جاسايدى; 2) اۋەجايداعى وتكىزۋ جانە وبەكتىشىلىك رەجيمدى جۇزەگە اسىرادى, ونىڭ بارىسىندا اۋە كەمەلەرىن كۇزەتۋدى جانە اۋەجايدىڭ باقىلاناتىن ايماعىندا ازاماتتىق اۆياتسيا ۇيىمى وبەكتىلەرىنىڭ قاۋىپسىزدىگىن قامتاماسىز ەتۋدى ۇيىمداستىرادى; 3) اۋەجايدىڭ باقىلاناتىن ايماعىندا شەكتەۋلى كىرۋ ايماعىن ۇيىمداستىرادى; 4) اۋەجايدىڭ باقىلاناتىن ايماعىنا ءوتۋ ء(جۇرىپ ءوتۋ) قۇقىق بەرەتىن اۋەجايلىق رۇقساتتامالاردى بەرۋدى جانە الىپ قويۋدى ۇيىمداستىرادى; 5) مەملەكەتتىك ورگاندارمەن بىرلەسكەن اۋە كەمەلەرىن باسىپ الۋ (ايداپ اكەتۋ) ارەكەتتەرىن بولدىرماۋ جانە جولىن كەسۋ, توتەنشە جاعدايلار جانە ونىڭ سالدارلارىن جويۋ جونىندەگى ءىس-شارالارعا تىكەلەي قاتىسادى جانە ۋاكىلەتتى ورگاننىڭ نۇسقاۋىنا سايكەس اۆياتسيالىق قاۋىپسىزدىكتى كۇشەيتۋ جونىندەگى قوسىمشا شارالاردى جۇزەگە اسىرادى; 6) زاڭنىڭ 107 بابىنا سايكەس اۆياتسيالىق پەرسونالدى, جولاۋشىلاردى, قول جۇگى مەن باگاجدى, پوشتا جونەلتىلىمدەرىن, جۇك پەن بورت قورلارىن (بورت تاماعىن) قاراپ تەكسەرۋدى جۇزەگە اسىرادى جانە قاراپ تەكسەرۋ ۇدەرىسىندە الىنعان, اۋە كولىگىندە تاسىمالداۋعا تىيىم سالىنعان زاتتار مەن نارسەلەردى ەسەپكە الادى; 7) اۋەجايدىڭ اۆياتسيالىق قاۋىپسىزدىگى باعدارلاماسىن, اۋەجايدا اۆياتسيالىق قاۋىپسىزدىكتى قامتاماسىز ەتۋ ءتارتىبىن رەگلامەنتتەيتىن نۇسقاۋلىقتاردى جانە راسىمدەردى ازىرلەيدى; 8) اۆياتسيالىق پەرسونالدىڭ, اۋەجايدا ورنالاسقان ۇيىمداردىڭ, ونىڭ قىزمەتتەرىن پايدالاناتىن تۇلعالاردىڭ اۆياتسيالىق قاۋىپسىزدىكتىڭ قامتاماسىز ەتىلۋىن تالاپتاردى رەگلامەنتتەيتىن نورماتيۆتىك اكتىلەردى ورىنداۋلارىن باقىلاۋدى جۇزەگە اسىرادى جانە ۋاكىلەتتى ورگان مەن اۋەجاي باسشىلىعىنىڭ تاپسىرماسى بويىنشا ولارداعى بۇزۋشىلىق فاكتىلەرى بويىنشا قىزمەتتىك تەكسەرۋلەرگە تىكەلەي قاتىسادى; 9) اسا ماڭىزدى ۇشۋلار قاۋىپسىزدىگىن قامتاماسىز ەتۋگە قاتىسادى; 10) اۋە كەمەلەرىنىڭ قاۋىپسىزدىگىن قامتاماسىز ەتۋ بويىنشا ءىس-شارالارعا قاتىسادى; 11) حالىقارالىق ازاماتتىق اۆياتسيا ۇيىمىندا (بۇدان ءارى – يكاو) تىركەلگەن ازاماتتىق اۆياتسيا وقۋ ورىندارىندا اقق قىزمەتكەرلەرىن دايارلاۋ جانە قايتا دايارلاۋ مەرزىمدەرىنىڭ ساقتالۋىن قامتاماسىز ەتەدى; 12) قاراپ تەكسەرۋدىڭ تەحنيكالىق قۇرالدارىنىڭ, كۇزەت جانە بەينە باقىلاۋ, بايلانىس ينجەنەرلىك-تەحنيكالىق قۇرالدارىنىڭ, قارۋدىڭ ساقتالۋىن جانە پايدالانىلۋىن ۇيىمداستىرادى, ولاردىڭ تەحنيكالىق جاي-كۇيىن باقىلاۋدى جۇزەگە اسىرادى; 13) اۋە كەمەلەرىن ۇشۋ الدىنداعى جانە ارنايى تەكسەرۋدى وتكىزۋگە قاتىسادى; 14) اۆياتسيالىق قاۋىپسىزدىكتى قامتاماسىز ەتۋ ماسەلەلەرى بويىنشا ماتەريالدار جيناقتايدى جانە تالدايدى, ازاماتتىق اۆياتسيا ۇيىمى مەن ۋاكىلەتتى ورگان باسشىلىعى ءۇشىن انىقتامالىق جانە ەسەپ ماتەريالدارىن دايىندايدى; 15) ۋاكىلەتتى ورگانمەن كەلىسە وتىرىپ, اۆياتسيالىق قاۋىپسىزدىكتى قامتاماسىز ەتۋ ءۇشىن زاڭدا كوزدەلگەن وزگە دە قىزمەتتەردى جۇزەگە اسىرادى; 16) ۋاكىلەتتى ورگاننىڭ تاپسىرماسى بويىنشا, ەكيپاج مۇشەسىنىڭ جەكە كۋالىگى الىنىپ تاستالادى جانە قايتا وڭدەلەدى. 10. تۇراقتى اۋە تاسىمالىن ورىندايتىن اۆياكومپانيا اقق مىناداي فۋنكتسيالاردى جۇزەگە اسىرادى: 1) اۆياكومپانيا قىزمەتتەرىنىڭ جۇمىسىن ۇيلەستىرەدى جانە اۆياكومپانيانىڭ اۆياتسيالىق قاۋىپسىزدىگىن قامتاماسىز ەتۋ ماسەلەلەرى بويىنشا مەملەكەتتىك ورگاندارمەن ءوزارا ءىس-قيمىل جاسايدى جانە جۇكتەلگەن مىندەتتەردى ورىنداۋدا اۋەجاي اقق تولىعىمەن كومەك كورسەتۋىن قامتاماسىز ەتەدى; 2) اۆياكومپانيا ەكيپاج مۇشەلەرىنىڭ جەكە كۋالىكتەرىن تىركەۋدى جانە ەسەپكە الۋدى ۇيىمداستىرادى جانە ولاردى پايدالانۋ ەرەجەلەرىنىڭ ساقتالۋىن باقىلاۋدى جۇزەگە اسىرادى; 3) اۆياكومپانيانىڭ اۋە كەمەلەرىن باسىپ الۋ (ايداپ اكەتۋ) ارەكەتتەرىن بولدىرماۋ جانە الدىن الۋ, توتەنشە جاعدايلار جانە ونىڭ سالدارلارىن جويۋ بويىنشا ءىس-شارالاردا مەملەكەتتىك ورگاندارعا جاردەمدەسەدى جانە ۋاكىلەتتى ورگاننىڭ نۇسقاۋىنا سايكەس, اۆياكومپانيا اۋە كەمەسىنىڭ بورتىندا اۆياتسيالىق قاۋىپسىزدىكتى كۇشەيتۋ جونىندەگى قوسىمشا شارالاردى جۇزەگە اسىرادى; 4) اۆياكومپانيانىڭ اۆياتسيالىق قاۋىپسىزدىگى باعدارلاماسىن, اۆياتسيالىق قاۋىپسىزدىكتى قامتاماسىز ەتۋ ءتارتىبىن رەگلامەنتتەيتىن نۇسقاۋلىقتار جانە راسىمدەر ازىرلەيدى; 5) اۆياكومپانيانىڭ اۋە كەمەلەرىن پايدالانۋ كەزىندە اسا ماڭىزدى ۇشۋلار قاۋىپسىزدىگىن قامتاماسىز ەتۋگە قاتىسادى; 6) ۋاكىلەتتى ورگانمەن كەلىسە وتىرىپ, اۋە كەمەلەرى بورتىنداعى قاۋىپسىزدىكتى قامتاماسىز ەتەدى; 7) جولاۋشىلار مەن جۇك جونەلتۋشىلەردىڭ اۆياتسيالىق قاۋىپسىزدىك جونىندەگى ەرەجەلەر مەن راسىمدەردى ورىنداۋىن, اۋەجايلاردىڭ اۆياتسيالىق قاۋىپسىزدىكتى قامتاماسىز ەتۋ جونىندەگى شارتتىق مىندەتتەمەلەردىڭ تالاپتارىن ولاردىڭ ورىنداۋىن باقىلايدى; 8) يكاو-دا تىركەلگەن ازاماتتىق اۆياتسيا وقۋ ورىندارىندا اۆياكومپانيا اقق قىزمەتكەرلەرىن دايارلاۋ جانە قايتا دايارلاۋ مەرزىمدەرىنىڭ ساقتالۋىن باقىلايدى; 9) اۆياكومپانيانىڭ اۋە كەمەلەرىن ۇشۋ الدىنداعى جانە ارنايى تەكسەرۋدەن وتكىزۋگە قاتىسادى; 10) اۆياتسيالىق قاۋىپسىزدىكتى قامتاماسىز ەتۋ ماسەلەلەرى بويىنشا ماتەريالدار جيناقتايدى جانە تالدايدى, اۆياكومپانيا مەن ۋاكىلەتتى ورگان باسشىلىعى ءۇشىن انىقتامالىق جانە ەسەپ ماتەريالدارىن دايىندايدى. 3. اۆياتسيالىق قاۋىپسىزدىك قىزمەتىنىڭ باسشىلىعى 11. اۋەجاي مەن اۆياكومپانيا اقق باسشىسى اۋەجايدىڭ جانە تۇراقتى اۋە تاسىمالىن ورىندايتىن اۆياكومپانيانىڭ ءبىرىنشى باسشىلارىنا باعىنادى. 12. اقق باسشىسىن لاۋازىمعا تاعايىنداۋ ۇلتتىق قاۋىپسىزدىك ورگانىمەن كەلىسىلەدى. 13. اقق باسشىسى: 1) اۋەجايدىڭ جانە تۇراقتى اۋە تاسىمالىن ورىندايتىن اۆياكومپانيانىڭ اۆياتسيالىق قاۋىپسىزدىك قىزمەتتەرىنىڭ جۇمىسىن ۇيىمداستىرادى جانە ۇيلەستىرەدى; 2) اۋەجايدىڭ جانە تۇراقتى اۋە تاسىمالىن ورىندايتىن اۆياكومپانيا قىزمەتكەرلەرىنىڭ اۆياتسيالىق قاۋىپسىزدىك تالاپتارىن بۇزۋشىلىق فاكتىلەرى بويىنشا قىزمەتتىك تەكسەرۋ جۇرگىزەدى; 3) اۋەجايدىڭ جانە تۇراقتى اۋە تاسىمالىن ورىندايتىن اۆياكومپانيا باسشىلىعىنا اۆياتسيالىق پەرسونالدى تارتىپتىك جاۋاپكەرشىلىككە تارتۋ تۋرالى ءوتىنىش بىلدىرەدى, اۆياتسيالىق قاۋىپسىزدىك ءتارتىبى مەن تالاپتارىن بۇزعانى ءۇشىن اقق قىزمەتكەرلەرىن تارتىپتىك جاۋاپكەرشىلىككە تارتادى جانە قىزمەتتىك مىندەتتەرىن ورىنداۋدان ۋاقىتشا شەتتەتەدى. 4. اۆياتسيالىق قاۋىپسىزدىك قىزمەتىن ماتەريالدىق-تەحنيكالىق قامتاماسىز ەتۋ 14. اۋەجايدىڭ جانە تۇراقتى اۋە تاسىمالىن ورىندايتىن اۆياكومپانيا اقق-نىڭ وزىنە اۆياتسيالىق قاۋىپسىزدىكتى قامتاماسىز ەتۋ بويىنشا جۇكتەلگەن مىندەتتەردى ورىنداۋى ءۇشىن قاجەتتى جاعدايلار جاسايدى, ونىڭ ىشىندە: 1) اۋەجايلاردا اۆياتسيالىق قاۋىپسىزدىك سالاسىنداعى نورماتيۆتىك قۇقىقتىق اكتىلەردىڭ تالاپتارىنا سايكەس جولاۋشىلاردى جانە اۆياتسيالىق پەرسونالدى, ولاردىڭ قول جۇكتەرى مەن باگاجىن تەكسەرۋدەن وتكىزۋ ءۇشىن تەكسەرۋدىڭ تەحنيكالىق قۇرالدارىمەن جابدىقتالعان جانە جاراقتالعان باقىلاناتىن ايماقتاردىڭ بولۋى; 2) اۋەجايدىڭ باقىلاناتىن ايماق پەن اۋەجاي وبەكتىلەرىنىڭ پەريمەترلىك قورشاۋى, كۇزەتەتىن ينجەنەرلىك-تەحنيكالىق قۇرالدار مەن بەينەباقىلاۋى, راديو جانە تەلەفون بايلانىسى قۇرالدارى مەن اۋەجاي اۋماعىنا وتۋگە ارنالعان باقىلاۋ-وتكىزۋ پۋنكتتەرىندە جابدىقتالعان تەكسەرۋ قۇرالدارىنىڭ بولۋى; 3) جۇكتى, پوشتالىق جونەلتىلىمدى جانە بورت تاماعىن تەكسەرۋدى جۇرگىزۋ ءۇشىن كىرۋگە شەكتەۋ قويىلعان ايماقتاردىڭ بولۋى; 4) «كۇزەت قىزمەتى تۋرالى» قازاقستان رەسپۋبليكاسىنىڭ 2000 جىلعى 19 قازانداعى زاڭىنا جانە «جەكەلەگەن قارۋ تۇرلەرىنىڭ اينالىمىنا مەملەكەتتىك باقىلاۋ جاساۋ تۋرالى» قازاقستان رەسپۋبليكاسىنىڭ 1998 جىلعى 30 جەلتوقسانداعى زاڭىنا سايكەس قارۋدىڭ جانە ارنايى قۇرالداردىڭ بولۋى; 5) باقىلاۋ جانە بەينەباقىلاۋ تەحنيكالىق قۇرالدارىن, قارۋدى جانە وق-دارىلەردى, سونداي-اق ولاردى ۇرلاۋ جانە ولارعا رۇقساتسىز ءوتۋ مۇمكىندىگىن بولدىرمايتىن اۆياتسيالىق قاۋىپسىزدىك بويىنشا ءىس-شارالاردى جۇزەگە اسىرۋ ءتارتىبىن رەگلامەنتتەيتىن قۇجاتتامانى ورنالاستىرۋعا جانە ساقتاۋعا ارنالعان قىزمەتتىك ءۇي-جايلاردىڭ بولۋى; 6) سىرتقى ءتۇرى جاعىنان اۋەجايدىڭ وزگە قىزمەتتەرىنىڭ, ۇلتتىق قاۋىپسىزدىك, قۇقىق قورعاۋ, كەدەن ورگاندارىنىڭ جانە باسقا مەملەكەتتىك ورگانداردىڭ قىزمەتكەرلەرىنەن ەرەكشەلەنەتىن نىساندى كيىم-كەشەك پەن ارنايى ومىراۋ بەلگىلەرىنىڭ بولۋى; 7) زاڭسىز ارالاسۋ اكتىلەرىنىڭ جانە باسقا دا توتەنشە جاعدايلاردىڭ سالدارىن جويۋ جانە وقشاۋلاۋ جونىندەگى ءىس-شارالاردى جۇرگىزۋ كەزىندە اۋە كەمەلەرى ءۇشىن ارنايى جابدىقتالعان تۇراقتاردىڭ بولۋى; 8) اقق قىزمەتكەرلەرىنە اۆياتسيالىق قاۋىپسىزدىكتى رەگلامەنتتەيتىن نورماتيۆتىك قۇجاتتامانى جانە نۇسقامانى وقىتۋ ءۇشىن قاجەتتى اقپاراتتىق جانە ماتەريالدىق-تەحنيكالىق بازانىڭ بولۋى. اۆياتسيالىق قاۋىپسىزدىك قىزمەتى تۋرالى ۇلگى ەرەجەگە 1-قوسىمشا اۋەجايدىڭ اۆياتسيالىق قاۋىپسىزدىك قىزمەتىنىڭ قۇرىلىمدىق سحەماسىنىڭ ۇلگىسى اۆياتسيالىق قاۋىپسىزدىك قىزمەتى تۋرالى ۇلگى ەرەجەگە 2-قوسىمشا تۇراقتى اۋەمەن تاسىمالداۋدى ورىندايتىن اۆياكومپانيانىڭ اۆياتسيالىق قاۋىپسىزدىك قىزمەتىنىڭ ۇلگىلىك قۇرىلىمدىق سحەماسى بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 9 شىلدەدەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11603 بولىپ ەنگىزىلدى.